Na Douro Pula Canhada tenemos siempre persente an todas las atebidades ls aspetos naturales, houmanos i rurales própios de la region, sien mos zleixarmos pula perserbaçon de l meio ambiente ambulbiente. Ancaramos la nuossa atebidade cun ua postura positiba i otimista, para bos dar ua spriência berdadeiramente deferenciadora i gustosa. Sêde parceiro de la nuossa atitude i gozai an cheno ua spriência sien eigual pula Tierra de Miranda.  

• Aporbeitai an cheno la bejita cun las recumendaçones de ls nuossos guias. Se percisardes de scuitar outra beç, preguntai. Stamos alhá pra ajudar i nun pagais mais por isso.

• Ye normal ancuntrardes ls sítios que bejitais siempre lhimpos. Regra geral ls nuossos bejitantes son cuidadosos i cunsérban l lixo an sacos plásticos até ls botáren fuora an sítios apropiados. Assi quedamos todos a ganhar.

• Se batirdes a ua puorta i alguien alhá de drentro bos respundir “Antrai pa drento!” nun bos admírades. Gozai de la simpatie i huospitalidade de ls habitantes lhocales. Eilhes tenerán muito gusto an partilhar cun bós l momento i ber respeitadas  las sues tradiçones  i ls sous modos de bida.

• L último a salir cerra la puorta mas se por acaso alguien se çtrair, quedai a la buntade pra cerrar todos ls canhiços abiertas por esse caminho alantre.

• La melhor forma de mirarmos ls animales an bida selbaige ye al loinge, cun materiales apropiados, sien mos metermos nas suas bidas i alimentaçon, eibitando l cuntato cun niales, buracos ou abrigos.

• An beç de arrecolhermos amostras geológicas ou plantas, ye mais ouriginal retratarmos ls aspetos geológicos i la flora de la region tal i qual eilha ye. Dá ourige a grandes retratos, daqueilhes que crían ua puntica de ambeija als amigos.

• Nun ye nobidade pra bós oubirdes dizer que cun l fuogo nun se brinca. I por antre tanto arboledo, ua pequeinha çtraçon puode ser malo. Dende que nunca ye demais alertar para que fogueiras solamente an sítios outorizados.

• Antes que l tiempo mos anganhe, lhebamos a la letra l dito dezideiro “mais bal prebenir que remediar” i acunselhamos a tener siempre a la mano pieças de roupa mais calientes.

• Por bezes ne l mesmo camino podemos-mos cruzar cun pessonas que caminan a pie, de burro, de bicicleta ou an baíclos motorizados. L amportante ye tenermos an cunta que hai campo pra todos i assi todo cuorre pul melhor.

• Se anfertunadamente aparecir algun porblema nun bos preocúpades, cuntai cun la ajuda de ls nuossos guias para abisar las outoridades.